Máni og Maja hjálpa til á skemmtilegan hátt Sale!

Lærum og leikum með hljóðin – Undirbúningur fyrir hljóðmyndun og tal

Kr.4.500 Kr.3.500

Máni og Maja hjálpa til á skemmtilegan hátt

Málhljóðin í íslensku kynnt með vísan í ákveðna fyrirmynd fyrir hvert og eitt hljóð undir leiðsögn talmeinafræðings

Máni og Maja hjálpa til á skemmtilegan hátt

SKU: ISBN 978 9979 70 468 3. Category: .

Product Description

Lærum og leikum með hljóðin er ætluð ungum börnum sem eru að byrja hljóðmyndun og öðrum þeim sem eru að læra íslensku málhljóðin. Við köllum hana gjarna grunnbókina því í þessari bók eru öll hljóð í íslensku kynnt með aðstoð Mána og Maju. Þau fylgja þeim sem skoðar og les, út alla bókina. Röð samhljóða í bókinni fylgir sömu röð og íslensk börn tileinka sér hljóðin í máltökunni. Hér er því ekki um eiginlega stafrófsröð að ræða. Af öryggi geta foreldrar byrjað á fyrstu bls. í bókinni og fylgt efninu áfram því smám saman eru hljóð sem erfiðara er að segja, kynnt í hljóðaleik.  Bókina má hugsa sér sem leiðarvísi um hvernig má á einfaldan hátt laða fram rétt hljóð í hljóðaleik, æfa hljóðatengingar sem við köllum bullorð, og æfa ný orð með réttu hljóði. Við bætum í orðaforða ungra barna og strax er hugað að undirbúningi lestrarferilsins, sem hefst löngu áður en barnið fer að lesa staf fyrir staf. Hvert samhljóð á sér fyrirmynd eða tákn fyrir hljóðið. Í spætunni sem goggar í tréð heyrist d…d…dadd.., um leið og hún goggar, reiða kisan segir f…f…fh… þegar togað er í rófuna hennar o.s.frv.

Aðferðafræði bókarinnar byggir á reynslu sem höfundur hefur þróað í áratugi í starfi á Íslandi sem talmeinafræðingur. Fjöldi leik- og grunnskóla nota Lærum og leikum með hljóðin í daglegu starfi og ná góðum árangri með börnunum í réttri hljóðmyndun og að undirbúa lestrarfærni.

Myndir Búa Kristjánssonar eru einstaklega skemmtilegar og hæfa efninu vel.

Bókin er með sérstakri lakkhúð til að þola álag lítilla fingra sem skoða aftur og aftur!

Aldur: allt frá 9 mánaða aldri og áfram á leik-/ grunnskólaaldur,  eftir eðli máls hverju sinni. Börn með frávik í framburði hljóða, tvítyngd börn, heyrnarskert og fleiri börn með seinkun í tjáningu nota bókina eftir að grunnskólaganga hefst.

Verð   3500 kr

Bókin er með gormum undir kili. Alls 32 innsíður á 250 gr. UPM pappír og kápa er 350 gr. UPM pappír.

Prentun:  Prentsmiðjan Oddi prentaði fyrsta upplag 2008 og Ísafoldarprentsmiðja annað upplag 2013.

Stuðningur við útgáfu 2008:  Barnavinafélagið Sumargjöf, Manngildissjóður Reykjanesbæjar, Heyrnar– talmeinastöð Íslands og Barnamenningarsjóður