ÍSLENSKI MÁLHLJÓÐAMÆLIRINN réttindanámskeiði lokið haustið 2025

Fagfólk af öllu landinu tók þátt í réttindanámskeiði í notkun Íslenska málhljóðamælisins, skimunartæki fyrir framburð og hljóðkerfisvitund, sem haldið var 3. sept. 2025. Ítarleg fræðsla var veitt um málhljóðaraskanir og framburðarerfiðleika af ýmsum toga og ráðleggingar veittar um markviss inngrip sem fyrstu skref. Námskeiðið og efnistök þess hafa hlotið einróma lof hjá þátttakendum sem greina frá því að ÍM námskeiðið hafi nýst þeim vel í lífi og í starfi skóla. Nú taka við skimanir í heimabyggð, eftirfylgni, ráðgjöf, endurgjöf og aðstoð talmeinafræðings í allt að 6 mánuði eftir að námskeiði lýkur eða þar til skilyrðum til réttinda er fullnægt. Bryndís Guðmundsdóttir talmeinafræðingur og kennari hefur umsjón með námskeiðinu og allri eftirfylgni. Hún hefur áralanga reynslu í starfi með börnum og fullorðnum með erfiðleika í máli og tali. Næsta námskeið verður haldið eftir áramótin 2025/26. Hægt er að skrá sig á biðlista með því að senda póst á laerumogleikum@gmail.com